top of page
Search

Udhayagiri Fort ഉദയഗിരി കോട്ട

ഉദയഗിരി കോട്ട ---------------------------------------- ഏകദേശം 90 ഏക്കറോളം സ്ഥലത്തായാണ് ഉദയഗിരി കോട്ട സ്ഥിതി ചെയ്യുന്നത്. നമ്മുടെ കന്യാകുമാരി ജില്ലയിലെ പുലിയൂര്‍ കുറിച്ചി എന്ന സ്ഥലത്തുള്ള വേളിമലയിലാണ് ഈ കോട്ടയുള്ളത്.




വേണാടിനെ സംരക്ഷിക്കാനായി തിരുവിതാംകൂര്‍ രാജാവ് സ്ഥാപിച്ച ഈ കോട്ട രെു കാലത്ത് തിരുവിതാംകൂറിന്റെ ആയുധപ്പുരയും സൈനിക പരിശീലന കേന്ദ്രവുമായിരുന്നു. എഡി 1595 മുതല്‍ 1607 വരെ ജീവിച്ചിരുന്ന തിരുവിതാംകൂര്‍ രാജാവായിരുന്ന വീരരവിവര്‍മ്മയുടെ കാലത്താണ് വേണാടിനെ രക്ഷിക്കുക എന്ന ഉദ്ദേശത്തോടെ ഈ കോട്ട നിര്‍മ്മിക്കുന്നത്.ഒരു കാലത്ത് ദക്ഷിണേന്ത്യയിലെ അതിശക്തമായ സൈനിക താവളങ്ങളില്‍ ഒന്നായിരുന്നു ഉദയഗിരി കോട്ട. വീരരവിവര്‍മ്മ ചെളി കൊണ്ടായിരുന്നു കോട്ട നിര്‍മ്മിച്ചത്. പിന്നീട് ഭരണത്തില്‍ വന്ന മാര്‍ത്താണ്ഡ വര്‍മ്മയാണ് ഇന്നു കാണുന്ന രീതിയില്‍ കോട്ട പുതുക്കി നിര്‍മ്മിച്ചത്. കല്ലുകള്‍ ഉപയോഗിച്ചായിരുന്നു പുനര്‍നിര്‍മ്മാണം.

കേരളത്തിലെ സുഗന്ധദ്രവ്യങ്ങള്‍ക്കും മറ്റ് അമൂല്യവസ്തുക്കള്‍ക്കും വേണ്ടി കേരളതീരത്തെ കീഴടക്കാനെത്തിയ ശക്തികളില്‍ പ്രധാനപ്പെട്ട ഒന്നായിരുന്നു ഡച്ച് ഈസ്റ്റ് ഇന്ത്യ കമ്പനി. അങ്ങനെ കുളച്ചല്‍ തുറമുഖത്തെത്തി കീഴടക്കിയ അവര്‍ അവിടെ കച്ചവടം തുടങ്ങി ആ പ്രദേശം അവരുടെ അധീനതയിലാക്കി.എന്നാല്‍ പിന്നീട് വന്ന മാര്‍ത്താണ്ഡ വര്‍മ്മ നേതൃത്വം നല്കിയ തിരുവിതാംകൂര്‍ യുദ്ധത്തില്‍ കുളച്ചല്‍ കീഴടക്കിയ ഡിലനോയുടെ നേതൃത്വത്തിലുള്ള സംഘം പരാജയപ്പെടുകയും ഇവരെ ഉദയഗിരി കോട്ടയില്‍ മാര്‍ത്താണ്ഡ വര്‍മ്മ തടവുകാരനാക്കി. ഈ സമയത്താണ് ഡച്ച് ആധിപത്യം അവസാനിക്കുന്നത്.

തിരുവിതാംകൂര്‍ സൈന്യത്തെ നവീകരിക്കാനായി മാര്‍ത്താണ്ഡ വര്‍മ്മ ഡിലിനോയുടെ സഹായം സ്വീകരിക്കുകയുണ്ടായി. അതിനായി അദ്ദേഹത്തെ മോചിതനാക്കിയ മാര്‍ത്താണ്ഡ വര്‍മ്മ അദ്ദേഹത്തിനും കൂടെയുള്ളവര്‍ക്കുമായി കോട്ടയ്ക്കുള്ളില്‍ പള്ളിയും മറ്റ് സൗകര്യങ്ങളും നിര്‍മ്മിച്ചു നല്കി. പിന്നീട് മാര്‍ത്താണ്ഡവര്‍മ്മയും ഡിലനോയും ഒരുമിച്ചാണ് കോട്ട നവീകരിക്കുകയും ഇവിടെ പീരങ്കി നിര്‍മ്മാണ കേന്ദ്രം ആരംഭിക്കുകയും ചെയ്തത്.


ഡച്ച് അഡ്മിറലായിരുന്ന ഡിലനോയുടെ ശവകൂടീരത്തിന്റെ അടയാളങ്ങള്‍ ഇന്നും ഈ കോട്ടയ്ക്കുള്ളില്‍ കാണാന്‍ സാധിക്കും. അദ്ദേഹത്തിന്റെ ഭാര്യയെയും മകനെയും ഇവിടെതന്നെയാണ് അടക്കിയിരിക്കുന്നത്. ഡിലനോയുടെ ശവകുടീരത്തിന്റെ മുകളിലാണ് ചാപ്പല്‍ നിര്‍മ്മിച്ചിരിക്കുന്നത്.

തിരുവിതാംകൂരിന്റെ ശക്തമായ കേന്ദ്രങ്ങളില്‍ ഒന്നായിരുന്നു ഈ കോട്ട എന്നാണ് ചരിത്രം പറയുന്നത്. അക്കാലത്ത് തിരുവിതാംകൂര്‍ രാജ്യത്തിന്റെ ആയുധപ്പുരയും സൈനിക പരിശീലന കേന്ദ്രവും ഒക്കെ ഈ കോട്ടയായിരുന്നുവത്രെ.

107 views0 comments
bottom of page